Naudetatane rykte kring midnatt ut etter melding om uro på ei privat adressei Førde. Det hadde oppstått ei konflikt mellom eit sambuarpar, ei kvinne i 20-åra og ein mann i 30-åra.
Mannen fekk lettare skader og vart sendt til sjukehus.
Like over klokka eitt opplyser politiet at dei førebels ikkje veit om det er brukt våpen.
– Det er uklart kva gjenstand som er nytta, men vi veit det er kuttskader. Ein patrulje er på staden no for å undersøkjer nærare kva som er skjedd, opplyser operasjonsleiar Olaug Holme ved Sogn og Fjordane politidistrikt.
Politiet vil ikkje seie om det var andre personar i bustaden som varsla om hendinga.