Av
Det var fredag den 25. februar i år det tok til å brenne i ein bossdunk med papiravfall. Bossdunken stod i garasjeanlegget til Coop i Høyanger, og bygningen fekk røyk- og brannskader for omkring 1,4 millionar kroner. Statsadvokaten meiner tenåringen tende på bossdunken. I tillegg til straff kan det bli aktuelt å legge ned påstand om erstatning til Coop Mega Høyanger og til Gjensidige Nor Forsikring.
Stal bil
Den same tenåringen er og tiltalt for å ha stole ein uregistrert rallycrossbil i Bergen saman med ein kamerat. Denne bilen braut dei seg gjennom ei garasjedør med, i tillegg skal dei ha knust møbler som stod i garasjen.
Trugsmål mot miljøarbeidar
Påtalemakta har i tillegg tiltalt tenåringen for å ha ringt ein miljøarbeidar og prøvd å få han til å be politiet stanse leitinga etter tenåringen. I denne samtalen kom han med utsegn som miljøarbeidaren oppfatta som trugsmål.