Det kan bety at ingen forslag får fleirtal i fylkestinget. Gruppeleiar Norvall Nøringset seier SV vil føreslå Anda-Lote og vidare opp Stigedalen og bru over Austefjorden til Volda - det såkalla K7-alternativet.
– Lokallaga våre som har uttalt seg har vore heilt klare på at dette er det beste og viktigaste alterantivet.
LES OGSÅ:
LES OGSÅ:
SV går dermed for det alternativet som Vegvesenet peika på som det nest beste alternativet etter indre line. Og Nøringset vil ikkje leggje avgjerande vekt på at dette alternativet er to milliardar kroner dyrare enn indre.
– Det er klart pengar betyr noko, men vi ser det i eit mykje større perspektiv, for her tek vi ut to ferjer som elles ville gå heile døgeret i 30-40 år framover, og tek vi med miljøgevinsten i det trur vi at den økonomiske gevinsten vil kome etter kvart.
(Artikkelen held fram under biletet).
DØDT LØP: Dei ulike alternativa for framtidig E39 i Nordfjord.
Foto: Statens vegvesenIkkje fleirtal for noko alternativ
Det kan bety at det ikkje blir fleirtal for noko alternativ når fylkestinget skal gje si fråsegn i morgon. Ut frå det partia har signalisert på førehand vil indre line via Stryn få 17 eller 18 røyster, Lote-Anda og s-sving innpå Kviven ligg an til å få 18 eller 19 - medan ein må ha 20 røyster for å få fleirtal.
Røysterekkefølgja i fylkestinget i morgon kan difor bli avgjerande, og Nøringset seier dette om gruppa hans på to medlemmer har ein plan B.
– I utgangspunktet ikkje, men vi vil ha midtre line med bru mellom Anda og Lote, og så håpar vi at det blir røysta i ein slik rekkefølgje at vi får høve til å røyste for det vi meiner er det beste, altså K7.