Mariann Thommasen vil erobre all verdas rocke-stadionar. Men fyrst skal 25-åringen og kompisgjengen i Surferosa hærta New York, Chicago og Los Angeles. Saman med britiske The Killers skal det norske bandet spreia fengjande trashpopsongar utover det nordamerikanske kontinentet.
Høyr reporter Noralv Pedersen i møte med vokalisten i Surferosa, Mariann Thommasen frå Stryn:
Onsdagsportrett av Mariann Thomassen
Surferosa, med vokalist Mariann Thomassen i spissen. Bak står Andreas Orheim (keyboard), Kjetil Wevling (gitar), Sigurd Løvik (bass) og Jan Roger Slette (trommer). (Foto: Thomas Bjørnflaten, Scanpix)
Dei fem i Surferosa møtte kvarandre på høgskulen i Bø i Telemark. Sidan Thommasen likar å sørfe, og bestemora hennar heiter Rosa, gav bandnamnet seg sjølv.
Digga Carola
Då Mariann var lita jente, digga ho mellom mykje anna Paul McCartney, Aha og Madonna, men den største av dei alle var Carola. Mariann kunne Carola-låtar utanåt før ho hadde lært å lesa og skriva. Om den svenske slagerstjerna var barndomsheltinna, har Thommasen nok henta impulsane til Surferosa sin trashpopmusikk frå heilt andre stadar. På debutplata frå i fjor, «Shanghai My Heart», gjorde bandet musikalske stopp mellom anna under den asiatiske himmelkvelven. Den nye plata til Surferosa kjem i løpet av våren.