Cruiseskipa vert skulda for å stå for store miljøfiendtlege utslepp. Men større skip og færre anløp kan betre på dette, seier hamnesjef John Erik Johnsen i Flåm.
– Det er ein tendens som er lik i heile landet. Eg ser at vi har 16 skip på over 100.000 tonn. Skipa blir større, og det blir sjølvsagt også færre skip. Og dei nyare skipa har mykje betre reinsing av avgassane. Det merkast, og det ynskjer vi velkomen.
Strengast i verda
Dagleg leiar Sandra Diana Bratland i Cruise Norway seier at strengare reglar i Norge gjer at mange reiarlag sender dei mest forureinande skipa til andre delar av verda. Frå årsskiftet er det forbode å segle med drivstoff som inneheld meir enn 0,1 prosent svovel.
Norske hamner sør for Ålesund har no saman med Baltikum, Karibia og Nord-Amerika dei strengaste restriksjonane i verda for slike skip.
Nær 5000 passasjerar
«Britannia», som i går var i Olden på jomfruturen sin, har rundt 4000 passasjerar med seg.
- Les også:
- Les også:
I Flåm er det onsdag i tillegg eit mindre skip - «Marco Polo» - med 900 passasjerar, så det er mildt sagt folksamt. Det er kø av folk som vil ta turen med Flåmsbana til Myrdal. Ein del av dei skal sykle nedatt.
Flåm guideservice driv med rib-båtar på fjorden. Dei har fire båtar, og alle desse er fullbooka heile dagen.