– I 23.30-tida i natt var det kommen så mykje regn at ein med tryggleik kunne reise frå staden, seier vaktleiar Oddbjørn Aune ved alarmsentralen Sogn og Fjordane.
Meldinga om lyngbrannen kom i 15.30-tida laurdag og i fleire timar kjempa brannmannskapet mot flammane i eit hav av røyk. Mykje vind gjorde at brannen spreidde seg og det blei vanskeleg å få kontroll. Det starta med om lag 14 folk, og etter kvart blei det kalla ut ekstra folk for å få bukt med flammane.
Alarmsentralen kan framleis ikkje seie noko om årsaka til brannen.
– Politiet vil etterforske vidare for å finne ut kva som er skjedd, seier Aune.
– Det kan vere alt frå bål som ikkje er sløkt skikkeleg til at det har ligge glas på bakken i varmen, seier Espen Rysjedal ved alarmsentralen.
MYKJE RØYK: Brannmannskapet hadde vanskar med å sjå kor det brann på grunn av røyken.
Foto: Adalheidur Audardottir Oldeide / NRKStor røykutvikling
På grunn av den veldige røykutviklinga fekk dei dårleg sikt og sleit med å sjå kor det brann. Røyken breidde seg over heile Bremanger, men gav seg i kveldinga då skodda kom sigande med litt fukt i seg.
RYLANDSVATNET: Brannen har spreidde seg over 500 mål ved Rylandsvatnet i Bremanger.