Kampen er flytta som følgje av den kortvarige streiken blant eliteseriespelarane. NFF opplyser i ei pressemelding at dei også må gjere endringar i det øvrige kampprogrammet for å få pressa inn den utsette runda.
Kampen vart først flytta til måndag 20. juni, men Molde som feirar 100 år i år hadde eit sterkt ynskje om å markere jubileet denne heimekampen.
- Diverre vart ikkje Molde sitt sterke ynskje om ein heimekamp helga 17. - 19. juni fanga opp i denne prosessen. Detter er beklageleg. NFF har vurdert saka på ny og har i samråd med Molde og Sogndal omberamma kampen tilbake til 19. juni, seier avdelingsleiar Nils Fisketjønn i konkurranseavdelinga i NFF.