Forsvarar Ivar Blikra. Foto Arild Nybø NRK
Politiet har innreidd eit eige rom med seng, toalett og vask i lensmannsbygget i Førde. Forsvararen til 42-åringen, Ivar Blikra, seier politiet har strekt seg langt, og han er nøgd med løysinga.
Påtalemakta hadde først tenkt å la mannen overnatte på glattcelle fordi det ikkje finst eigna arrestlokale nær nok Førde. Dette protesterte Blikra mot, og politiet har no teke omsyn til klagen.
- Det som er viktig, er at den tiltalte får ro om natta, og kan førebu forsvaret sitt. Prinsipielt meiner vi at bruk av glattcelle ut over 24 timar er lovstridig, seier Blikra.