Medan leiinga for høgskulen jublar over fleire studieplassar, meiner leiar for NITO-studentane, Steinar Pedersen, at pengane heller burde vore brukt til oppdatering av utstyr og styrking av lærekreftene.
- LES OGSÅ:
– Det er ikkje hjelp i å putte fleire studentar inn i utdanninga, dersom ein ikkje får dei ut igjen på andre sida.
Tall frå SSB viser at 45 % av ingeniørstudentane fell frå eller ikkje fullfører på normert tid, samstundes som tal frå studentundersøkinga til NITO syner at ein av fem studentar manglar utstyr som er naudsynt for utdanningane.
- Bygg, utstyr og lærekrefter må vere på plass før ein opprettar nye studieplassar, seier Pedersen
- Men dersom ein skal få opp talet på til dømes ingeniørar, må ein ikkje då og auke talet på studieplassar?
- Vi trur ikkje det. Dette er eit spørsmål om kvalitet framfor kvantitet. Ved å fokusere meir på kvalitet så trur vi at fleire enn i dag vil gjennomføre utdanninga.
- Difor så meiner vi at det ikkje er naudsynt med denne auken i studieplassar når ein i staden kunne prioritere å oppdatere ustyrslabratorier, der ein kan jobbe og få relevans i utdanningane.
Ved høgskulen i Sogn og Fjordane kjenner ikkje rektor Åse Løkeland seg treft av kritikken frå NITO Studentene
- Vi har hatt ganske høg gjennomstrøyming av ingeniørstudentar di seinare åra. For oss er dei ekstra studieplassane kjærkomne.
Ho seier at til no har kraftbransjen i Sogn og Fjordane finansiert opptak av to kull ingeniørstudentar.
- Dei har sjølvsagt hatt forventingar om at vi skulle jobbe for å få det finansiert over statsbudsjettet. Det har vi no lukkast med.