På Nordfjordeid vart ein mann like før klokka tre i natt meldt for å ha skalla til tre andre personar ved ein utestad. Mannen som er i slutten av tenåra skal ha skalla til den eine slik at den fornærma begynte å blø frå nasen, opplyser politiet på Twitter.
Tidlegare på kvelden hadde politiet det travelt med å ta hand om fleire rusa personar.
Klokka 00.00 i Årdal køyrde dei ein rusa mann i 60-åra heim. Seinare måtte dei køyre ein rusa mann i slutten av tenåra heim frå sentrum til bustaden sin i Florø.
Ei kvinne i Florø som var sterkt rusa vart køyrd til legevakta klokka 02.42 natt til søndag. Kvinna var i slutten av tenåra.