Skal opne fylkesveg i nokre timar

Fylkesveg 609 mellom Førde og Askvoll ved Hundsåna opnar kl. 14.30 i dag, men vil stenge att kl. 19, melder Statens vegvesen. Vegen har vore stengt sidan onsdag på grunn av eit steinras. Fjellsida er reinska, men sidan det er venta store nedbørsmengder ser Vegvesenet seg nøydde til å nattestenge vegen, seier trafikkoperatør ved Vegtrafikksentralen i Lærdal, Ketil Molvær.