Det er i samband med Qfilm-festivalen at Vestnorsk filmsenter kjem med den litt tidlege julegåva.
– Det er ikkje noko meir gledeleg i verden enn å å vere på Qfilm og få lov til å gje denne nyhenda til dei som sit i salen, seier dagleg leiar i Vestnorsk filmsenter Irmelin Nordahl.
Nordahl har skaffa til veges pengane ved å søkje Film og Kino om støtte.
12 ferske filmar
Neste år skal det setjast i gang ein stor workshop i høve at Qfilm rundar 10 år.
– Då skal vi ha premiere på 12 ferske filmar. Så vi skal velje ut 12 talent som skal vere med på tyngre workshops, forklarar Nordahl.
– Det har Sogn og Fjordane bruk for, og det har Vestnorsk filmsenter lyst til å støtte.
Jublande glad
I kveld vert årets beste Qfilm kåra, og det er i det høve Nordahl vitjar Sandane.
Ho har sett alle filmane og vedgår at der er mykje bra.
Festivalsjef på Sandane, Malina Kirkeide jublar over pengestøtta.
– Det er jo utruleg kjekt å få så mykje pengar til å byggje opp nye talent.