Eid-ordførar Alfred Bjørlo er ein av dei som beit seg merke i Tøyen-jentene sin flotte video og har lova på Facebook-sida at han skal helse frå Vilde og Anna til fanskaren på Oslo-skulen.
– Det er rørande, rett og slett! Eit strålande døme på korleis ein song kan treffe alle, store og små, og bli felleseige nærast over natta, seier Bjørlo til NRK.
På sida si skriv Tøyen skole at Vilde og Anna har gjort stort inntrykk på kort tid, og dei oppmodar alle om å dele videoen med Salma og Ibtihal. Det er Alfred Bjørlo glad for.
– I ei tid då nokon vinn fram med å byggje murar, er det viktigare enn nokon gong at andre byggjer bruer. Ein slik song gjer det.
BLIR SPELT OVERALT: Vilde Hjelle og Anna Naustdal vann MGP jr førre helg. No er vinnarlåten Vestlandet spelt over 250.000 gonger på Spotify!
Foto: Harald Kolseth / NRK
STOLT: Eid-ordførar Alfred Bjørlo tykkjer det er stas at Vestlandet-songen spreier seg over heile Norge.
Foto: Aleksander Åsnes / NRK
