NRK Meny
Normal

Tre sakna turgåarar funne i god behald

To kvinner og ein mann som var sakna etter ein tur til Lodalskåpa på Jostedalsbreen er i kveld funne i god behald.

Laster kart, vennligst vent...

Dei tre turgåaarane hadde sjølv kome seg ned til Bødalssetra øvst oppe i Bødalen i Stryn, men hadde ikkje fått varsla frå til sine pårørande om at dei var forseinka ned frå fjellet.

– Dei la ut på tur til Lodalskåpa onsdag og vart meldt sakna når dei ikkje var komne tilbake til klokka 22 torsdag kveld, seier operasjonsleiar Wenche Hope ved Sogn og Fjordan politidistrikt til NRK.no.

Kalla ut to helikopter

Iallefall to av dei sakna var ikkje heimehøyrande i området i Nordfjord, men alle tre var godt utstyrt for fjelltur.

– Vi har kalla ut redningshelikopter frå Florø som er på veg inn til Stryn, samt Røde Kors Hjelpekorps og alpin redningsgruppe, opplyste operasjonsleiaren til NRK.no tidlegare i kveld.

Om lag klokka 23 blei også ambulansehelikopteret som til vanleg er stasjonert på Førde sentralsjukehus sendt i retning Bødalen i Stryn.

Til alt hell vart det ikkje bruk for dei omfattande redningsressursane som vart sendt til den avsidesliggjande dalen under Jostedalsbreen.

Utan mobildekning

– Dei er alle tre i god form. Dei hadde ikkje hatt dekning på mobiltelefonen då dei kom ned til Bødalssetra. Såleis fekk dei heller ikkje varsla frå om at dei var forseinka, seier Wenche Hope.

Lodalskåpa er ein av 56 toppar i Sogn og Fjordane som er over 2000 moh. fjelltoppen er 2083 meter høg og ligg på grensa mellom Stryn og Luster på Jostedalsbreen.

Lodalskåpa

MÅL FOR TUR: Dei tre sakna hadde vore på fjellet Lodalskåpa.

Foto: arkiv / NRK

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.