Ifølgje nettsida GhanaSoccernet skal midtbanespelaren Albert Bruce til Sogndal for å gjennomføra ein medisinsk test, men dette avkreftar Eirik Bakke.
– Nei det stemmer ikkje, men me arbeidar med å få han til Norge slik at han kan trena med oss, seier Bakke.
Han fortel at dei først og fremst ynskjer å kartleggja 19-åringen. Sogndal håpar han er med på treningane deira ifrå slutten av neste veke.
Både Brann og Molde er på jakt etter Sogndals midtbanegeneral Stephan Badji og klubben kan kome i ein posisjon der dei må jakte ein erstattar.
- LES OGSÅ:
- LES OGSÅ:
Men Bakke seier dei ikkje ser på midtbanetalentet som ein som skal inn å forsterka laget.
– Han er ein unggut og er ikkje aktuell no. Men han er spanande så me ynskjer å sjå nærare på han.
Ifølgje den ghanesiske nettsida har midtbanetalentet vore i søkjelyset til mellom anna Sunderland, men den avtalen gjekk ikkje i orden då han ikkje fekk visum i England.