Kvinna møtte nyleg i Fjordane tingrett, der ho stod tiltalt for å ha kjøpt til saman 60 gram hasj ein stad i Sunnfjord frå august til oktober i 2014.
Alt 10. oktober i 2014 la ho alle korta på bordet for politiet, men det skulle ta meir enn eit år før politiet klarte å få saka for retten.
I sitt skriv til domstolen, legg politiet ikkje skjul på at saka blei liggjande hos dei utan at det skjedde noko som helst.
– Dette er forhold som sikta ikkje kan lastast for og som i denne samanhengen betyr at heile straffa blir gjort på vilkår, skriv politiet til domstolen.
Dette var tingretten samd i og slo fast at kvinna ikkje skal sone, og ho skal heller ikkje betale bot for det ho tilstod.
Kvinna har i dag kome seg ut av narkomiljøet og har flytta til ein annan stad på Vestlandet.