NRK Meny
Normal

Promille og slagsmål

I løpet av natta måtte politiet ordne opp i slagsmål, og ta hand om ein bilførar dei meinte hadde køyrt i rusa tilstand.

Politi - (illustrasjon)

POLITIETNATTA: Måtte rydde opp i rus og ordensuro.

Foto: Yngve Tørrestad / NRK

Det første politiet måtte rydde opp i, i natt var ei melding om slagsmål i sentrum i Sogndal. Då politipatruljen kom til staden hadde den eine parten allereie forlate staden, og den andre fekk beskjed om å gå.

Klokka 01.17 vart ein mann i 20-åra pågripen av politiet i Florø, mistenkt for køyring i rusa tilstand, og vart teken med for blodprøve.

Vel 20 minutt seinare måtte politiet ta hand om ein mann i 30-åra for ordensforstyrring i Sogndal sentrum. Mannen var godt rusa og vart sett i arrest.

I Måløy vart ein fest så lystig at politiet påla festdeltakarane å bli stille.

Klokka 02.40 fekk politiet melding om at ein godt rusa mann på 18 år hadde tatt seg inne ei leilegheit i Sogndal og lagt seg til å sove. Dei som budde der vekte han og køyrde han heim, opplyser politiet på Twitter.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.