NRK Meny
Normal

Plater har losna i tunnel - her får du ikkje køyre utan følgjebil

Plater skal ha losna frå himlingen på Fodnestunnelen på riksveg 5 mellom Lærdal og Fodnes. Trafikken vert slusa gjennom tunnelen med følgjebil.

Køyrer følgjebil

KØAR: Det er noko køar på staden, men følgjebilane køyrer kontinuerleg.

Foto: Ingrid Nordbye-Antonsen / NRK

– Trafikken kan berre gå i det eine køyrefeltet, difor får ikkje trafikken gå gjennom tunnelen utan følgjebil, seier vakthavande hjå Vegtrafikksentralen, Jan Erikstad.

Det er manuell dirigering på staden, og vegen kan bli stengd i periodar på 30 minutt på grunn av oppryddingsarbeid.

Dei lause platene vart oppdaga like etter klokka 09.

– Det er nokon vassplater som har losna frå veggen og var på veg inn i køyrebana. Dei har ikkje ramla ned, men dei er til fare for trafikken, seier byggjeleiar Rune Dvergsdal.

Har losna på grunn av slitasje

Det vert i første omgang gjort forsøk på å feste platene att.

– Ein må gjere fleire tiltak etterpå, seier Dvergsdal.

Årsaka til at platene har losna er slitasje.

– Det er nok alderen som tek til å prege dei. Men det skal ikkje vere farleg å køyre gjennom tunnelen, seier Dvergsdal.

Erikstad ber trafikantane ta høgde for at dei mister ei ferje når dei må vente på følgjebil.

– Det må ein berre rekne med. Det tek om lag ti minutt kvar veg. Så her vil det nok bli noko kø, seier Erikstad.

Laster kart, vennligst vent...
Den nye regjeringa vurderer å kvitte seg med odelslova. Det kjem ikkje på tale, svarer bøndene.
Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.