NRK Meny

Passasjer (ar) sørga for skikkeleg dritjobb

Ein eller fleire i overkant trengde turistar gjorde lufta sur og jobben tung for dei tilsette om bord i fjordcruisebåten "Vision of the Fjords".

Vision of The Fjords

FÅR UT ALT: 'Vision of The Fjords' blei liggande utpå fjorden i Flåm etter at nokon stappa dassen full ...

Foto: NRK-tipsar

– Nei, kva skal eg seie. Dette blei ein skikkeleg dritjobb, seier administrerande direktør i reiarlaget The Fjords, Rolf A. Sandvik, til NRK.

Den flunkande nye og hypermoderne båten, måtte leggast til kai i Flåm torsdag ettermiddag.

Ikkje fordi elmotorane svikta, men fordi nokon rett og slett hadde stappa noko ned i do. Kva dette «noko» er veit ikkje reiarlaget, og truleg vil ein vel heller ikkje granske tankane så nøye heller ...

– Vakuumtoaletta blei rett og slett pottetette, og no ventar vi på hjelp for å få fiksa problema som oppstod. Utan fungerande toalett om bord, så har vi rett og slett ikkje lov å gå i rute, seier Sandvik.

– Kva med dei som venta på å bli frakta på fjorden av den nye båten?

– Vi kunne heldigvis flytte dei nye passasjerane over på andre båtar med ledig kapasitet, slik at dei fekk den flotte turopplevinga.

På ei av verdas brattaste jernbaner blir skinene ekstra slitte av mykje bremsing. Det krev mykje vedlikehald, før sesongen startar for fullt.
Bilder fra landbruks-og matministeren sitt møte med sinte bønder i balestrand.
12 år gamle Linea arrangerer konsert til inntekt for forskning på den uhelbredelige sykdommen, som ein god ven fekk for ei tid sidan. Og 7.-klassingen venter fullt hus.