– Vi blei veldig trygge på at regjeringa ynskjer å følgje opp næringa, seier Fossum.
Fredag møtte statssekretær Eirik Lae Solberg (H) i næringsdepartementet Nordic Mining i Naustdal. Det planlagde gruveprosjektet er omstridd fordi selskapet vil dumpe millionar av tonn med stein i Førdefjorden.
- LES OGSÅ:
Nordic Mining-direktør Ivar Fossum seier han fekk kjensla av at statssekretæren vil vere med på å starta gruvedrift i Naustdal.
– Samstundes så skjønar vi jo at nye folk også må setje seg godt inn i prosjektet, seier han.
Under vitjinga i Naustdal sa statssekretær Eirik Lae Solberg i Næringsdepartementet at han vil vente på den siste utgreiinga.
Fossum peikar på si side på at det ikkje er Næringsdepartementet, men andre departement som har saka.
– Så det er jo fleire som skal setje seg inn i prosjektet og dei nye målingane. Eg er svært godt nøgd med at dei tok turen hit til Naustdal for å høyre meir om prosjektet, seier Fossum