– Oppdrettslaksen som vart fiska i Gaular rømt oppdrettslaks frå eit fiskeanlegg i Hardanger. Det seier konstituert seksjonssjef i fiskeridirektoratet Kari Morvik.
For ein månadstid sidan dukka det opp større mengder oppdrettslaks ved Osfossen i Gaular.
- LES OGSÅ:
Har teke prøvar
– Vi konstaterer at den har kome langt, seier Morvik.
Då fiskedirektoratet fekk høyre om oppdrettslaksen i Gaular, spekulerte ein i om den kunne stamme frå rømminga i Hardanger, men haldt òg dørene opne for at det kunne ha vore ei rømming i nærleiken.
- LES OGSÅ:
Morvik seier at ut ifrå skjelprøvar som er teke av fisken, er det no mykje som tyder på at fisken stammar frå ei lakserømming i Hardangerfjorden i august.
Rømde etter storm
Ifølgje bt.no skal det vere stormen Lena som er årsaka til rømminga ved oppdrettsanlegg på Snilstveitøy ved Rosendal i Hardanger.
Fiskeguide i Gaularvassdraget, Tom A. Wangensteen fortalde at dei hadde fiska om lag 20 laksar på rundt ein kilo som dei raskt forstod var oppdrettslaks.
– Det vert no jobba i Hordaland med å få oversikt over kor mykje laks som har rømt, seier Morvik.