Med sjampanje og blant anna ein illeluktande geitebukk og gris til stades opna Moods of Norway sin første butikk.
Klesdesigneren Simen Staalnacke har sjølv stått for det meste av butikkdesignet - med god hjelp frå lokale handverkarar.
Kjede av butikkar
Heile butikken er teikna og produsert lokalt. Butikken i Stryn skal vere ein mal for butikkane som skal etablerast i Oslo, Bergen og i utlandet.
Moods of Norway har gjort stor suksess med moteklede for ungdommar. Inspirasjonen til dei særeigne klesplagga har dei henta både i heimlege tradisjonar og internasjonale trendar.
Stryn vert senter
Ifølgje Staalnacke er det heilt naturleg for dei å bruke Stryn som utgangspunkt for den nye kjeda av butikkar.
- Her har vi lokale for alt vi treng. All distribusjon skal føregå frå Stryn, seier han til Fjordingen.
