Nytt fokus på hengardrag
Statens vegvesen varslar sterkare fokus på tilhengjardrag, skriv Transportmagasinet. Bakgrunnen er ulukka i Skatestraumstunnelen i Bremanger. I midten av juli brann ei tankvogn med over 16.000 liter bensin inne i tunnelen etter å ha losne frå trekkvogn. I byrjinga av oktober slo Havarikommisjonen fast at hengardraget rauk tvert av fordi det var tæra av korrosjon innvendig. Statens vegvesen sender no ut ein ny informasjonsfaldar til alle tungbilverkstader og kontrollorgan.