Fleire nektar å stå på Ap-lista i frykt for at Sanden skal bli partiet sin ordførarkandidat. Partimedlem Hadle Blikra har sagt nei til å stå på lista:
– Eg kan ikkje identifisere meg med ei liste som vel å gje forlenga tillit til Arne Sanden.
- LES OGSÅ:
Skreiv brev til partifeller
STILLER IKKJE: Hadle Blikra vil ikkje stå på liste saman med Arne Sanden.
Foto: Ida BrevikEtter langvarig krangel både med sin eigen administrasjon og det politiske miljøet i både heimkommunen og nabokommunar, sa Arne Sanden klart nei til å halde fram som ordførar.
Men så seint som for 14 dagar sidan sa den omstridde ordføraren likevel ja til å halde fram. Dette fekk partiveteran Hadle Blikra til å skrive mellom anna følgjande til ulike partivener:
«Eg har sterkt mistillit til noverande ordførar Arne sanden, og vil ikkje kunne stå på ei liste som kan kome til å ha han som ordførarkandidat. Sanden har synt manglande rolleforståing og eksponert kommunen på eit vis som ikkje fell under mi forståing for kva ein ordførar for eit sosialdemokratisk parti skal stå for.»
- LES OGSÅ:
- LES OGSÅ:
Sanden tek avstand frå påstandane
Arne Sanden avviser kritikken og hevdar han ikkje lenger er ordførarkandidat for partiet.
– Eg seier klart og tydeleg nei til å vere kandidat til førsteplassen og til lista i det heile, seier Sanden.
– Men så seint som 14. februar sa du ja til å vere Arbeiderpartiet sin ordførarkandidat, trass i at du tidlegare har sagt at du var heilt uaktuell.
– Det var på bakgrunn av at nominasjonsnemda ikkje hadde andre kandidatar, svarar Sanden.
Nominasjonsnemnda vil no ha Johan Nes som ordførarkandidat, og kjem til å lansere han som førstekandidat på eit møtet i dag, torsdag.