Nedgangen blir i årsmeldinga forklart med sviktande marginar.
Ifølgje årsmeldinga fekk ein ikkje den omsetnadsveksten ein hadde forventa. Trenden frå 2013 med redusert omsetnad heldt fram i fyrste halvdel av 2014.
Andre halvår gjekk ifølgje Nordfjord Kjøtt betre, slik at omsetnaden totalt sett nærma seg resultatet frå 2013.
– Marknadstilhøva endrar seg fort, og marginane er under konstant press, så difor er det naudsynt å kontinuerleg jobbe med tiltak som sikrar optimal konkurransekraft, heiter det i årsmeldinga.
Nordfjord Kjøtt som er hovudleverandør av kjøtvarer til Rema 1000 omsette for over 2,2 milliardar i 2014.
Dagleg leiar i Nordfjord Kjøtt, Geir Egil Roksvåg, ønskjer ikkje å kommentere resultatet.