Politiet melde like før klokka 19 om ei trafikkulukke ved Sunnarvik, mellom Eikefjord og Stavang, i Flora kommune. Alle naudetatane vart sende til staden.
Det var ein personbil som køyrde av vegen og rulla rundt før den landa på hjula. Føraren, ein mann i 60-åra, vart køyrd til sentralsjukehuset i Førde med ambulanse, men skadeomfanget er ikkje kjent.
Operasjonsleiar Espen Gulliksen ved politiet sin operasjonssentral seier til NRK.no at det er mistanke om promillekøyring.
Gulliksen sa til NRK.no klokka 19 at føraren av bilen var bevisst og tilsnakkande.
Operasjonsleiaren kunne torsdag kveld ikkje seie noko om årsaka til ulukka, men seier Flora politistasjon vil etterforske saka vidare for å finne ut av dette. Ingen andre køyretøy eller personar var involverte i hendinga.
Bilen fekk store materielle skader etter utforkøyringa, og bilberging måtte tilkallast for å fjerne den. Vegen var ein periode stengd på grunn av ulukka.