Fjellet Stampa kan rase ut og
, men ei omfattande drenering skal stabilisere fjellet.Unikt prosjekt
Energiselskapet E-CO vil bruke tre milliardar kroner på ei kraftutbygginga i Aurland, der føremålet først og fremst er å redusere faren for skred og skadeflaum.
Ingeniørgeolog Ola Gunleiksrud i energiselskapet E-CO seier milliardutbygginga vil vere heilt unik.
- Eg kjenner ikkje til at det har blitt gjort noko tilsvarande verken i Noreg eller utlandet, seier Gunleiksrud.
Ikkje stor lønsemd
Ved å drenere elvar og bekkar, og leie vatnet gjennom tunnelar til eit nytt kraftverk, skal faren for eit stort fjellskred bli langt mindre.
- Lønsemda i prosjektet er ikkje veldig stor, seier Gunleiksrud.
- Kva er grunnen til at de då går inn i prosjektet?
- Som kraftprodusent er det eit interessant prosjekt, seier han.
Fare for tsunami
Fjellet Stampa er truleg det største ustabile fjellpartiet som er registrert her i landet. Det er
. Eit skred kan i verste fall gje flodbølgjer i Aurlandsfjorden.Prosjektleiar Bjørn Sture Rosenvold meiner drenering av fjellet vil løyse mange problem.
- I periodar med ekstremnedbør er vi er redde for rørsler i fjellmassivet. Det bør setjast i verk tiltak, for det er ikkje nok å overvake fjellet, seier Rosenvold.
Straum til 10 000
Ei kraftutbygging vil gje straum til 10 000 husstandar. Utbygginga skal hovudsakleg finansierast gjennom produksjon av straum.
Utbygginga i Aurland er nybrottsarbeid, og ingeniørane i energiselskapet E-CO har ein krevjande jobb framfor seg.
- Det er fleire utfordrande problemstillingar knytta til prosjektet, seier Ola Gunleiksrud.
- Kva slags problemstillingar då?
- Vi skal byggje inntak som skal fungere frå tidleg snøsmelting og gjennom heile året, og vi skal handtere store vassmengder, seier han.