Frp har lansert ein alternativ modell for kva for nokre skular dei vil legge ned. Hege Lothe meiner den fell sterkt saman med nedlegging i kommunar med dårleg oppslutnad.
– Med slike raske prosessar som Framstegspartiet har hatt no, tippar eg at dei har sett kor dei er svake og kor dei er sterke, seier fylkesleiaren i Sosialistisk Venstreparti.
- LES OGSÅ:
- LES OGSÅ:
– Vi trekte på smilebandet
Alt juni neste år kan Fylkestinget ha bestemt seg for å legge ned fleire vidaregåande skular her i fylket
Norconsult har lage tre modellar for framtidas skulestruktur, i to av dei er særleg Luster, Jølster, Høyanger og Stryn utsett.
Men i Frp sin eigen modell er Høyanger og Stryn bytta ut med Dale og Firda vidaregåande i Gloppen. Dette er også kommunar der Frp har svært lita støtte frå før.
Også KrF-politikar Trude Brosvik trur det er ein samanheng.
– Ja, vi trekte vi litt på smilebandet då Frp-modellen kom. Det var så veldig tydeleg knytt opp til kvar dei var sterke og svake. seier Brosvik.
- LES OGSÅ:
- LES OGSÅ:
Trur dei har tenkt taktisk
Hege Lothe i SV meiner det fins mange grunnar til å tru at Frp har teke veljartaktiske omsyn når dei lanserte ein eigen skulemodell.
– Eg trur at det er ein samanheng. Framstegspartiet kom med denne modellen så raskt at eg trur ikkje trur dei har hatt tid til å køyre ein god prosess på ein ny modell. Når ein ikkje har tid til det, blir kommunen der ein står svakt organisatorisk, mest utsette, trur ho.
Avviser kritikken
Alt i valkampen gjorde politikarane det klart at det kan gå mot skulenedleggingar denne perioden. Den gongen sa Framstegspartiet at det ikkje var politikarane, men elevane som skulle avgjere skjebnen til skulane.
– Vi veit ikkje beste som sit på Hermansverk. Elvane og næringsliv i kommunane veit dette best, sa han den gongen.
Men Frank Willy Djuvik vil i dag ikkje ta kritikk, han avviser at han no tenkjer taktisk for å sanke veljarar. Djuvik meiner kritikken er feilslått, og ikkje høyrer heime i ei så viktig sak.
– Det fell på si eiga urimelegheit. Luster er ein av dei sterkaste kommunane våre, og skulen her var ein av dei vi føreslo nedlagd. I Høyanger har vi låg oppslutnad, men vi ville behalde denne skulen.
Har sett i kartboka
Han seier dei har sett på skulebruksplanen, men at dei ikkje har konkludert med noko.
– Vi bad om ei ekstra saksutgreiing, som viser andre alternativ. Vi har sett i kartboka, og mellom anna sett av Firda vidaregåande skule på Sandane ligg veldig nær andre skular.
- LES OGSÅ:
- LES OGSÅ:
Kan ha stor innverknad
Denne veka bestemte planutvalet å forkaste Frp sin modell og heller gå vidare med Norconsult sine modellar, og i tillegg greie ut følgjene av å bevare dagens struktur.
NRK har snakka med fleire politikarar som ikkje trur partitaktiske omsyn til slutt vil avgjere skulesaka, men samstundes kan sterke lokallag i kommunane ha stor innverknad på eit parti sin politikk, seier Trude Brosvik.
– Det er klart at lokallaga i eit kvar parti har makt, seier ho.