Måtte stengje tunnel på rv. 15

Vindfylletunnelen på riksveg 15 mellom Måløy og Nordfjordeid er akkurat no stengd. Årsaka er at ein høgdebegrensar er påkøyrd og heng ned frå munninga på Måløy-sida. Ronny Sleire ved Vegtrafikksentralen seier entreprenøren er kalla ut, men at det må på plass ein liftbil for å få ordna opp. Det er førebels uvisst kor lenge tunnelen blir stengd, men det kan bli aktuelt med manuell dirigering for å få trafikken forbi i timane framover.