Ein mann frå Nordfjord er tiltalt for ei rekke brotsverk mellom oktober 2015 og august 2016.
Mellom anna er mannen tiltalt for å ha drapstruga far sin fleire gongar, over internett, direkte og med tekstmeldingar.
I tillegg har han truga to sjukepleiarar ved to ulike høve då dei ikkje gav han medisinar han ønskte.
I april i år brukte mannen dei narkotiske stoffa amfetamin og cannabis, og i tillegg er han tiltalt for å ha oppbevart to luftgevær i heimen, utan å ha løyve til det.
Han er òg tiltalt for at han i sommar slo ein mann i ansiktet.
Etterfølgande dag kom han i handgemeng med politiet då han prøvde å hindre at han vart arrestert.
Det er sett av tre dagar til saka i Fjordane tingrett.