Ringde sjølv til politiet då han hamna i elva

Ein person ramla onsdag ettermiddag i Veitebergselva i Stardalen i Jølster kommune. Etter ei tid med uvisse om kor mannen var, vart han redda opp med helikopter.

Redningsaksjon i Stardalen i Jølster kommune.

FALL I ELVA: Alle naudetatane rykte ut for å hjelpe mannen opp igjen frå elva. Foto: Tone Merete Lillesvangstu

– Mannen er ein lokal bonde som har vore av stad for anten å hente eller redde ein sau. Så skal han han sklidd på elva, fortel lensmannsbetjent Agnar Bøyum.

Agnar Bøyum

GJEKK BRA: Lensmannsbetjent Agnar Bøyum er glad det gjekk bra.

Foto: Tone Merete Lillesvangstu / NRK

Mannskap i helikopter skal ha sett mannen vinke frå elva, og kort tid etter vart han heist ut av eit redningshelikopter, opplyser alarmsentralen.

Melde sjølv ifrå

– Eg er veldig glad det gjekk så bra. Ein veit aldri kva som kan skje, seier Bøyum.

Politiet fekk sjølv telefon frå mannen klokka 14.50.

– Ein mann roper, det er veldig utydeleg, men han klarar å fortelje at han har ramla på elva, seier operasjonsleiar i politiet, Espen Gulliksen.

(Artikkelen held fram under biletet)

Mann hamna i veitebergselva

BERGA: Mannen er sendt til sjukehus etter å ha falle på elva.

Foto: Heidi Lise Bakke / NRK

Leita i feil elv

Første meldinga gjekk ut på at det var i Jølstra, men uhellet skjedde i Veitebergselva i Stardalen i Jølster. Dårleg dekning gjorde at det var vanskeleg for politiet å høyre mannen.

– Eg høyrde ikkje han, og han høyrde ikkje meg, men vi forstod at det er i Jølster, seier Gulliksen.

Mann på elv i Stardalen

I LUFTA: Fleire helikopter hjelpte til i redningsarbeidet.

Foto: Tone Merete Lillesvangstu / NRK

Naudetatane var difor først på plass ved Jølstra mellom Vassenden og Førde for å leite.

– Brannmannskap er på plass etter melding om at ein mann skal ha hamna i elva Jølstra, sa Jan Gunnar Holvik, vakthavande på alarmsentralen like etter meldinga kom.

Kom seg opp på ein stein

Politiet prøver gjentatte gonger å få kontakt med mannen og oppnår sporadisk kontakt, men det er like utydeleg.

Mannen klarte til slutt å klatre opp på eit berg i elva som han venta på til hjelpa kom. Sjølv skal han ha sagt at han har skader i rygg og bein og er no frakta til sjukehus i Førde.

Ifølgje folk på staden er det ikkje så mykje vatn i elva på grunn av eit kraftverket.

Sea King

HEISA OPP: Eit Sea King-helikopter heisa mannen opp frå elva.

Foto: Tone Merete Lillesvangstu / NRK
Laster kart, vennligst vent...

Øya Bremangerlandet vil vere utan veg til fastlandet fram til neste veke.
For han som var sekundar frå å bli treft av steinblokkene, var det ei skremmande oppleving.
Over 3000 asylsøkjarar har forsvunne siste året.
  
Heile villreinstammen på Nordfjella, nær 2000 dyr, bør utryddast snarast råd. Det meiner forskarar etter at det i fjor blei påvist skrantesjuke. 
I dag møttes forskarar, politikararar og forvaltninga, for å diskutere den vidare kampen mot smitta.