– Forbipasserande fann føremiddag ein død person i ei elv i Ytre Bremanger. Lege og politi har vore på staden. Dødsårsaka er uavklart, og det vil bli ein obduksjon, opplyser operasjonsleiar Inge Værøy ved Vest politidistrikt sin operasjonssentral i Sogn og Fjordane.
Han legg til at politiet så langt ikkje har mistanke om at det skal ha skjedd noko kriminelt.
– Vi har ikkje noko saknamelding på vedkommande. Han skal sist ha blitt observert i går ettermiddag.
– Kva skjer vidare?
– Det vil bli gjort rundspørjing i området, vedkommande blir sendt til obduksjon, og vi vil då vente på rapporten frå denne, seier Værøy.
