Frå før er det klart at Åge og Sambandet, Ole Paus, Vinni og Drusar får plass på plakaten.
I dag presenterte arrangøren Eye Emma Jedi, El Caco og Strupetakarane som nye namn.
- LES OGSÅ:
– Vi kan love ei oppleving du seint vil gløyme med desse to banda her, seier Thomas Norheim Moen, bookingansvarleg i Målrock, i ei pressemelding.
Store namn
Eye Emma Jedi er indierock, og rekna som eit av dei mest lovande banda i Norge. Gjengen som møttes på LIPA (The Liverpool Institute for Performing Arts), også kjend som Paul McCartney-skulen, har spelt saman sidan 2011. Sidan har dei fått mykje merksemd og speletid i NRK P3.
Dei har også spelt både på Malakoff og Øyafestivalen.
- LES OGSÅ:
El Caco har gjort seg bemerka innan sjangeren hardrock og metal. Bandet har halde på sidan 1998 og vart i år nominert til Spellemannsprisen for plata «Hatred, Love & Diamonds».
Engelsk på Målrock
Bookingsjefen er klar på at sistnemnde blir einaste engelskspråklege på årets festival, som går av stabelen 9. og 10. august i Årdal.
– Lista ligg svært høgt når vi vel å booke engelskpråklege artistar, og vi trur alle har høyrt opptil fleire låtar frå desse artistane utan å eigentleg vere klar over det, seier Norheim Moen.
Lokale Strupetakarane har på si side spelt kvart år på festivalen.