Vegvesenet melde klokka 9.20 om eit trafikkuhell i Stigedalen.
Operasjonsleiar Marianne Føleide ved politiet sin operasjonssentral i Sogn og Fjordane seier eit større køyretøy var involvert i hendinga.
– Det er førar av lastebilen som er skadd. Det vi reknar med har skjedd er at han har vore ute av lastebilen, og så har han kome i klem mellom lastebilen og autovernet, seier Føleide.
Like før klokka 11.00 melder AMK at mannen er lettare skadd.
Skal ha gått bra med føraren
Det var forbipasserande trafikantar som melde frå.
– Vi veit ikkje kor lenge han har vore i klem, seier operasjonsleiaren.
Det skal ifølgje politiet etter forholda ha gått bra med føraren som er komen laus og er send til lege på Eid for sjekk.
Hendinga blir rutinemessig etterforska.
Vegen var ei stund stengd på staden, men like etter klokka 10.30 melder Statens vegvesen at vegen er opna att.
– Strøbil er på veg også, seier Roger Nedberge Hille ved Vegtrafikksentralen i Lærdal.