NRK Meny
Normal

Kvinne i 70-åra kritisk skadd etter utforkøyring

To kvinner vart tysdag ettermiddag sende til sjukehus etter ei utforkøyring like ved Innvik på riksveg 60.

Laster kart, vennligst vent...

Ulukka har skjedd ved Hildeneset nokre få kilometer frå Innvik sentum.

Ei kvinne i 70-åra var send til Førde sentralsjukehus med luftambulanse, og tysdag kveld melder politiet at kvinna skal vere kritisk skadd, og at tilstanden er ustabil.

Bilen køyrde utfor vegen i ei 80-sone like før klokka 16.30. Ingen andre bilar var involverte. Føraren av bilen, ei kvinne i 60-åra, skal vere lettare skadd.

Ulukka skjedde nokre få kilometer frå Innvik i retning Olden, ved Hildeneset. Etter det vitne har fortalt politiet skal bilen ha køyrt rett fram i ei kurve, men årsaka er ukjend.

– Vi må få gjort avhøyr med dei involverte i ettertid, seier operasjonsleiar for politiet, Trond Hatlenes.

Vegen var stengd i nærare ein time før det vart opna for manuell dirigering. Kort tid etter klokka halv sju har bilbergar gjort seg ferdig på staden.

Trafikkulukke Innvik

ULUKKE: Riksveg 60 var i ein periode stengt i samband med ulukka. To personar vart sende til sjukehus.

Foto: NRK-tipsar
Bønder føler seg ikkje trygge på vegen med traktor
Orkanen Tor var ikkje ekstrem nok
Ordninga bør endrast