Ny sjanse for dei som ynskjer å starte med såkalla catskiing

– Det er viktig at desse to kommunane kjem med høyringsspel i løpet av dei 10 vekene dei har på seg, og at dei pressar på at for at det skal leggast til rette også for denne typen aktivitet, seier Lødemel.

• LES OGSÅ: Vil køyre skituristar i trakkemaskin opp på fjellet

Regjeringa har nyleg avslutta eit prøveprosjekt med etablerte snøskuterløyper. I Stortinget er det eit breitt fleirtal for å lage ei nylov når det gjeld motorferdsel med snøskuter.

• LES OGSÅ: Vil mjuke opp reglane i utmark - kan opne opp for catskiing og meir skuterkøyring

– Det gjeld snøskuter, ja. Men det bør også vere mogleg å få til dei prosjekta ein ynskjer i Eid og Balestrand.

Kjem til å søke

Catskiing som dei ynskjer å kome i gang med i Balestrand og Eid, vil seie at ein kan bruke løypemaskiner til å frakte skituristar til fjelltoppar.

I Eid er ordførar Alfred Bjørlo glad for signala som no kjem frå regjeringa, og seier dei kjem til å søke.

– Dette er ei positiv utvikling. Argumenta vi er blitt møtte med til no har vore at sjølv om eit breitt fleirtal har vore positive til catskiing, så har det ikkje vore mogleg innanfor den prøveordninga som har vore utlyst.

• LES OGSÅ: Har ikkje fått svar om catskiing - ordførar skuldar departement for regelrytteri

Avgrensa område

I Eid har Harpefossen skisenter, gått med planar om starte med såkalla catskiing. Tanken har vore å køyre éin trasé opp på Lidavarden og så vidare oppover.

• LES OGSÅ: Vil køyre skituristar i trakkemaskin opp på fjellet
• LES OGSÅ: -Naturen blir ei leikegrind for motoraktivitet ved oppmjuking av skuterkøyring

Denne formen for skiturisme er omstridd og Bjørlo understrekar at dei ikkje ser for seg eit frislepp, men at dei kjem til å opne for dette i eit avgrensa området i tilknyting til skianlegget

– Dette gjer moglegheitene for å kunne drive frikøyring i eit fantastisk fjellområdet endå større. I utlandet er catskiing stort. Dette kan bli ei viktig inntektskjelde, og eit tilleggsgrunnlag for å drive lønsam vinterturisme.

• LES OGSÅ: Kommunen går inn med nær to millionar i skisenter

Bjørlo peikar på at gjennom catskiing kan ein opne nye fjellrområde for skituristar, og samstundes unngå store naturinngrep som etableringa av skianlegg med skiheisar vil innebere.

– Dette vil kunne bety mykje. Ikkje berre for Eid, men for heile regionen. Allereie i dag så har fleire av dei fremste fristilkøyrarane i verda valt å slå seg ned regionen nettopp på grunn av dei gode moglegheitene for frikøyring som er her.