Dialekt er vinden som aldri før, og skapar debatt så det held. Ikkje minst etter at Yasmin Sayed sette i gong TV-serien Dialektriket på NRK1.
Kvar sundag tek ho med sjåarane rundt om i landet for å nettopp setje fokus på alle dei spennande og fantastiske dialektene våre.
No har nokre av medarbeidarane i NRK Sogn og Fjordane funne sine favorittord frå si dialekt, og veit du kva orda tyder – så kan du bli med i trekninga av eit flott NRK-krus.
Sjå orda under, og send oss di løysing på ein e-post – skriv gjerne også ditt favorittord på ein plakat, få nokon til å ta bilete og legg ved e-posten. Du kan også poste bilete på vår Facebook-side eller på Instagram
Favorittorda:
Tale Hauso, praktikant: Potlaskatt
Unni Rekkedal, administrasjon: Tåsje
Terje Gilleshammer, journalist / lærar: Sytalaust
Idun Fivelstad, praktikant: Jessvinjte, jætslæpa
Brit Jorunn Svanes, journalist: Jille
Eva Westvik, journalist: Attefåkja
PS! Deler du denne artikkelen eller bilete på sosiale medium, bruk gjerne emnemerka #nrkdialekt og #nrksf