Frå måndag 2. november blir fylkesveg 55 stengd i vel tre timar midt på dagen ved Råumsberget. Vegen blir heilt stengd frå klokka 10:10 til 13.20. Fram til no har det vore timesstengingar.
– Det er nødvendig med denne ekstra stenginga for å få trygge området for vinteren. Det har vore vanskeleg å arbeide effektivt med dei timesstengingane vi har hatt til no, seier byggjeleiar Svein Jarle Slinde i ei pressemelding.
- Les også:
For at trafikantane ikkje skal ha for stor ulempe, blir det sett inn ekstra ferje frå Ornes og Solvorn. Rutegåande trafikk passerer som før.
I tillegg til den lange stengingar midt på dagen, blir det også timesstengingar mellom 07:00 og 18:00.
På laurdagar blir det ikkje langstenging, berre timesstengingar. Og dei tek pause i arbeidet frå klokka 13:00, og det blir då fri ferdsel fram til måndag morgon.
– Vi håpar på få reinska området vie driv på med no i løpet av denne perioden, så sant alt går etter planen, seier Slinde.
Dei lange stengingane vil bli avslutta i løpet av fredag 13. november.