Har identifisert død person - var sakna person etter forlis i Solund

Namnet vert frigjeve i samråd med familien, opplyser Sogn og Fjordane politidistrikt.

40-åringen og ein mann i 60-åra kontakta Hovudredningssentralen då båten deira tok inn store mengder vatn etter å ha grunnstøytt. Dei to var på veg frå Lågøyna til Ytre Sula då grunnstøytinga skjedde.

• LES OGSÅ: Sjøen er full av vrakrestar frå båten til dei to sakna mennene
• LES OGSÅ: Innbyggjarane i Solund viser stor omtanke for dei pårørande

Leitte med store ressursar

Store mannskap vart raskt sett inni søket. I tillegg til mange frivillige var både redningshelikopter, to kystvaktskip, ei redningsskøyte i tillegg til fleire lokale båtar med i søket. Etter resultatlaus leiting, gav leitemannskapa 1. november opp å finne mennene i live.

Redningsskøyta Halfdan Grieg gjorde funn av vrakrestar i området aust for Værlandet, og leiteområdet vart innskrenka til området ved Geita fyr, aust for Værlandet.

Tre dagar etter forliset vart den eine av mennene, Endre Andreas Isaksen (63) funnen omkommen inntil land ved øya Ospa, nord i Solund.

• LES OGSÅ: 63-åring funnen omkommen i Solund - leitinga etter den andre sakna fortset i morgon
• LES OGSÅ: Leitar etter to menn i fritidsbåt