Aurlandordførar Noralv Distad håpar staten kan gå saman med fylkeskommunen i eit spleiselag for å få til nødvendige investeringar ved Sogn Jord- og hagebruksskule.
- LES OGSÅ: Skjebnemånader for jordbruksskule
- LES OGSÅ: Kastar seg inn i kampen for skule
Ny rapport
Kommunen har no fått laga ein rapport som dokumenterer kor viktig Sogn Jord- og hagebruksskule er, og rapporten viser mellom anna at skulen – som er landets einaste heil-økologiske vidaregåande utdanningstilbod – er viktig også nasjonalt.
– Dei store nasjonale miljøa for økologisk landbruk jobbar veldig tett opp mot jordbruksskulen. Så sånn sett kan vi seie at dette er ein skule vi kjenner til i lokalsamfunnet, men han har ei stor stjerne og stor betyding også nasjonalt, seier Distad.
Treng opprusting
Skulen treng opprusting for mellom 50 og 80 millionar kroner for å få bygningane i forskriftsmessig stand, og fylkeskommunen har tidlegare bedt departementet om å bli med på eit spleiselag.
Etter grundig vurdering sa departementet nei, men Distad satsar på anna utfall etter omkamp med ny regjeringa.
– Vi må presentere dette på nytt for statlege styresmakter. Når dei får sett nærare på det spesielt i den politiske leiinga kor stor betyding skulen har for kompetanseutvikling innan økologisk landbruk, så ser eg nytt håp og deter det vi må jobbe med.
- LES OGSÅ: Krev nybygg for å halde fram
– Skulen skal overleve
Fylkeskommunen skal seie sitt om framtida til skulen på fylkestinget i juni neste år, og Distad rapporten som dokumenterer betydninga av skulen både lokalt og nasjonalt skal styrke redningsaksjonen.
– Det som eg vert meir og meir overtydd om jo djupare eg går inni saka, er at denne skule skal overleve, og eg har berre den målsetjinga.
- LES OGSÅ: Jordbruksskulenmot normalt