NRK Meny
Normal

Her står vogntoget med ti tonn isolasjon – Vegtrafikksentralen åtvarar mot sommardekk

Lasta med ti tonn isolasjon enda eit norskregistrert vogntog i myra på Hemsedalsfjellet. Vegtrafikksentralen åtvarar mot vanskelege køyreforhold over snødekte fjellovergangar.

Trafikkuhell på Hemsedalsfjellet

AV VEGEN: Vogntoget, lasta med ti tonn isolasjon, hamna i myra på riksveg 52 over Hemsedalsfjellet.

Foto: NRK.no-tipsar

Vêromslag har ført til svært vanskelege køyreforhold på fjellovergangane i dag.

På Hemsedalsfjellet er det no snøføre og eit vogntog har hamna i grøfta.

– På Hemsedalsfjellet er det store problem. Mange som kjem med sommardekk, og fleire bilar har større problem, seier Ketil Molvær ved Vegtrafikksentralen i Lærdal.

– Bruk kjettingar

Det vart i 12.30-tida meldt om null grader, laber bris og sluddbyer på fjellovergangen. I vegbana ligg det snøslaps.

Vegtrafikksentralen oppmodar store køyretøy til å bruke kjettingar.

– Det er litt spesielt i dag, for det var meldt varmegrader på fjellet, men det har tydelegvis kome snø i ganske store mengde. Så det er vanskelege køyreforhold, seier Molvær.

Står i myra

Det fekk eit norsk vogntog lasta med ti tonn isolasjon merke i 09-tida. I møte med eit anna større køyretøy like sør for Slettevatnet på Buskerud-sida, kom vogntoget for langt ut på kanten og hamna i ei myr.

Det er venta redusert framkjømd til klokka 14. Då blir vegen venteleg stengd i opp til ein halvannan time for bilberging. Ingen personar vart skadde i uhellet.

– Den stod med myr til langt opp på hjula, så vi måtte ha på plass gravemaskin for å få den laus, seier Kenneth Engebakken ved Hallingdal Tungbilberging.

Den nye regjeringa vurderer å kvitte seg med odelslova. Det kjem ikkje på tale, svarer bøndene.
Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.