NRK Meny
Normal

Grasbrannar i Askvoll og på Sandane

To mindre grasbrannar i Flokeneset i Askvoll og ved Longisane på Sandane er no under kontroll.

Laster kart, vennligst vent...

– Begge brannane er no sløkte og brannmannskapa har returnert. Dei drukna det, seier Jan Gunnar Holvik ved Alarmsentralen til NRK.

Det var Firda som først omtalte brannane. I Askvoll kom eit bål ut av kontroll. Kjetil Kongshaug var ein av 15 mann i brannvesenet som rykte ut for å sløkke brannen då meldinga kom klokka 14.21.

– Det var eit lite bål som det fatna litt rundt, så han var redd for å miste kontrollen. Det var ikkje stort, seier Kongshaug til NRK.

Holvik ved Alarmsentralen seier eit område på rundt 100 kvadrat brann, og at politiet vert kopla inn i saka.

– Det er fordi det er bålbrenning. Vi skal undersøke om det har vore aktløyse inne i biletet, seier operasjonsleiar hjå politiet, Kjetil Drange.

Det er uklart kva som utløyste brannen på Sandane, der eit lite område med lyng og gras tok fyr. Brannen var meld klokka 15.19.

Bønder føler seg ikkje trygge på vegen med traktor
Orkanen Tor var ikkje ekstrem nok
Ordninga bør endrast