Som den første partileiaren i landet gav ho frå seg si stemme i dag.
Presseoppmøte var stort då samferdsleministeren og partileiaren i Senterpartiet møtte opp i stemmelokala i Sogndal. Men då ho skulle presentere seg i stemmeskranken hadde ho gløymt legitimasjonen sin i bilen.
Vanlegvis må ein syne legitimasjon ved val, men Navarsete slapp.
Det vart ikkje sagt kva parti ho stemde på, men leiaren for Senterpartiet hadde nok ikkje store kvalar med å bestemme seg.
Og ho var tydeleg på kven ho ikkje let stemma si gå til.
- Hovudmotstandarane er Framstegspartiet og Høgre fordi dei har politikk som ikkje stimulerar til vekst i distrikta.