NRK Meny

Gjekk klar av det verste uvêret

– Det kom mindre nedbør enn vi frykta, og det trefte meir aust for Sogn og Fjordane enn vi forventa, seier Per Glad, som er vakthavande hydrolog i NVE.

Laster kart, vennligst vent...

STORT OMRÅDE: Skredvarselet frå NVE omfatta eit stort område nord på Austlandet, indre Sogn og deler av Sør-Trøndelag.

Laurdag gjekk NVE ut med varsel om fare for jordskred i eit større område i Sør-Norge . Det var då venta ein kortvarig men intens situasjon, der det var venta mykje nedbør i løpet av nokre få timar frå midnatt og fram til sundag morgon.

– No var det dei indre delane av Sogn som var med i vårt varsel. Når ein sender ut slike varsel så må ein ta høgde for den uvissa som ligg i akkurat kvar den store nedbøren kjem, og difor varslar ein gjerne for eit litt større område, seier Glad.

– Har det fått meldingar om skadar så langt?

– Nei, men no er det tidleg sundag enno, så vi får vente å sjå.

Det verste vêret er no over og dermed minkar også skredfaren.

– Enkelte stader kan det framleis vere skredfare, men stort sett stå minkar skredfaren ganske fort når nedbøren har gitt seg, seier Glad.

13 menneske vart sendt til sjukehus med røykskadar etter brannen i Fjærlandstunnelen måndag.
For å forstå flyktningar betre, budde Katrine Sele tre år på eit asylmottak. No er erfaringane blitt bok.
I Vågsøy er naboar til badestrendene sinte fordi dei meiner at taretråling har ført til at strendene er full av tare.