Første mai stoggar drifta ved Gilde sitt anlegg i Mosjøen, og produksjonen av spekemat blir flytta til Sogndal. Det betyr at anlegget får 10 til 12 nye arbeidsplassar og blir dermed størst på spekemat.
Marknadsføring
Både italienarane og franskmennene kallar seg sjølve spesialistar på spekemat, men i åra som kjem kan det og bli aktuelt for sogndølene å marknadsføre seg utanlands. Og det skal skje med ein norsk spesialitet, for Sviggum utelukkar ikkje at verksemda vil prøve å marknadsføre seg i utlandet med sau og lam som spesialitetar.
Verksemda har i dag 80 tilsette.