Fylkesveg 615 blir tidlegast opna klokka 12 som følgje av snøskredet.
– Vi snakkar her om eit ras som er større enn den rassikringa som er på staden, seier vaktoperatør Ken Ove Holm ved vegtrafikksentralen i Bergen.
Raset som gjekk måndag kveld har gått i eit kjent rasområdet seier Holm.
– Raset har tatt med seg mellom 100 og 150 meter med autovern, og har gått over vegen og heilt ut i fjorden. Dei som har vore på staten seier raset er om lag 30–50 meter breitt og 3–4 meter høgt.
– Når blir vegen opna igjen?
– Det er vanskeleg å seie. Ein geolog skal til staden no på morgonen og kjem til å ta ei vurdering i løpet av føremiddagen. Vi har sett 12 som eit førebels klokkeslett, så får vi sjå kor lang tid geologen brukar.