Garasje og campingvogn brann opp

Ein stor garasje og ei campingvogn stod i full fyr mellom Holvika og Hallnes i Vågsøy kommune i kveld.

Brann i garasje

FULL FYR: Flammane stod ut gjennom taket, og garasjen fekk store skader. Foto: Bjarne Eldevik.

Eirik Hildal
Journalist

SISTE: Klokka 21.20 melder Alarmsentralen at brannvesenet har kontroll med brannen.

Det er ikkje kjent kor store skadane er, men NRK sin mann på staden fortalde tidlegare om at flammane stod ut gjennom taket, og svært stor røykutvikling.

– Det er mykje røyk, forferdeleg mykje røyk for dei som bur på andre sida av vegen, sa Bjarne Eldevik klokka 20.45

Naudetatane rykte ut med full styrke, og Eldevik talde tre brannbilar, redningsbil, ambulanse og politi.

Det ser per no ikkje ut som nokon har kome til skade av brannen eller røyken.

– Det er ikkje meld om folk i garasjen, og vi har ikkje teikn på at folk er skadde i hendinga, seier Oddbjørn Aune ved Alarmsentralen i Sogn og Fjordane.

Politiet opplyser at årsaka til brannen ikkje er kjend, og at saka vert følgd opp av Vågsøy lensmannskontor.

Garasjebrann Vågsøy

FULL UTRYKKING: Her prøver brannvesenet å få kontroll før flammane slo gjennom bygget.

Foto: Bjarne Eldevik
Over 3000 asylsøkjarar har forsvunne siste året.
  
Heile villreinstammen på Nordfjella, nær 2000 dyr, bør utryddast snarast råd. Det meiner forskarar etter at det i fjor blei påvist skrantesjuke. 
I dag møttes forskarar, politikararar og forvaltninga, for å diskutere den vidare kampen mot smitta.
Mange hoppbakkar i Norge ligg som attgrodde monument frå ei gløymd stordomstid. Og utan hoppbakkar forsvinn også skihopparane. Men på Hafslo i Sogn og Fjordane held brødrene Lomheim hoppsporten i live med hundrevis av dugnadstimar, i håp om ein gong å sjå nye rekruttar sleppa seg frå bommen.