– Det vil skje dersom ikkje ein finn løysingar som kan gi båtane landstraum, trur sjefen for cruisekaia i Olden, Aslak Lefdal.
Han meiner at dersom dei som driv cruisekaiene her i fylket ikkje følger med i timen, kan nye miljøkrav setter ein stoppar for cruisetrafikken.
I dag held cruisebåtane motorane i gang for å produsere eigen straum når dei ligg til kai. Resultatet er store eksosutlepp.
– Det enorme utsleppet med straumproduksjon i skip er så kritikkverdig, at viss ikkje ein finn løysingar innan rimeleg kort tid, er signala at FN innan to år kan komme med bombastiske krav. I så fall vill ein ikkje få gå til hamner som ikkje har straum, seier Lefdal.
I Loen sitt tilfelle har Stryn Energi gjort det klart at dei har nok oveskotsstraum og kan levere til cruisbåtane som gjestar Nordfjord-bygda i sommarhalvåret.
– Men vi må komme i gang med planane. Det hastar å få dette på plass, seier Lefdal.