Det avgjorde lagmannsretten i dag.
Førre torsdag gav Fjordane tingrett politiet medhald i fire veker varetekt, men forsvararen hennar anka avgjersla. I dag vart det klart at anken ikkje førte fram.
- Les også:
- Les også:
Meiner varetekt ikkje er eigna
Tysdag kveld for åtte dagar sidan gjekk bombealarmen på Flesland. All flytrafikk vart stogga i over fire timar.
Ei 18 år gamal kvinne frå Sunnfjord vart pågripen i Førde, mistenkt for å ha stått bak trusselen. I avhøyr vedgjekk kvinna at ho via eit chatteprogram hadde trua med at ei bombe var plassert i ein koffert på eit fly som skulle til Kristiansund.
Politiet fann òg spor på telefonen hennar som stadfesta tilståinga. Likevel erkjente ikkje kvinna straffeskuld under fengslingsmøtet førre torsdag.
– Varetekt er ikkje eigna i denne saka, og min klient meiner ho treng andre ting enn ei fengsling, sa forsvarar Odd Bovim. Dagen etter anka dei varetektsfengslinga til lagmannsretten.
- Les også:
Lagmannsretten forkasta anken
Gulating lagmannsretten opprettholdt i dag avgjerda om fire veker varetektsfengsling. Retten meiner dei medisinske opplysningane i saka ikkje gjev grunnlag for å tru at den sikta kvinna var psykotisk på gjerningstidspunktet.
Vidare vurderer lagmannsretten at fengsling er naudsynt for å hindre at den sikta gjer nye straffbare handlingar av same karakter.
Lagmannsretten har i tillegg lagt vekt på samfunnet sitt behov for vern mot slike lovbrot.
Avgjerda om å forkaste anken var samrøystes.