NRK kjem tilbake med meir frå Klassequiz-finalen.
Klokka 15:00 tysdag brakar det laus, og du kan følgje finalen direkte i levande bilete her på våre nettsider, og på radio. Vi legg også ut finalen i sin heilskap i ettertid.
Aleksander Åsnes har reist rundt i heile fylket dei siste månadane, og treft smarte tiandeklassingar. Han tykkjer nivået har vore høgt.
– Eg er imponert over kor mykje elevane kan, det har jamt over vore eit høgt nivå på deltakarane, seier Åsnes.
Dei fire skulane som skal tevle om å bli fylkesvinnar tysdag er Feios skule i Vik, Kvåle skule i Sogndal, Stryn ungdomsskule og Eid ungdomsskule. Ein av desse vil gå vidare til landsfinalen som vert sendt på NRK1 i mai.
Både radio og nett-tv
I tillegg til at finalen vert sendt direkte på NRK P1 Sogn og Fjordane frå klokka 15:00, vil alt verte filma og sendt direkte her på våre nettsider.
Først vil to av skulane møte kvarandre i dei innleiande semifinalane, før dei to beste går vidare til den avgjerande finalen. Vinnaren får 5000 kroner til klassekassa si, som dei kan bruke på kva dei vil.
SJEKKAR LYDEN: Stian Sjursen Takle skal styre lyden under klassequizfinalen tysdag. Her sjekkar han at alt er på stell under førebuingane måndag.
Foto: Aleksander Åsnes / NRKHøyr dei fire skulane sin veg til finalen
Om du vil høyre att nokre av episodane frå kvalifiseringsrunden, kan du høyre dei fire skulane som kom vidare her:
Stryn ungdomsskule:
Kvåle skule:
Feios skule:
Eid ungdomsskule: